गौतम गम्भीरको कप्तानी छाड्ने निर्णय, श्रेयस ऐयरलाई नयाँ कप्तानीको जिम्मेवारी

काठमाडौं । दिल्ली डेयरडेभिल्सका कप्तान गौतम गम्भीर टिमको कप्तानबाट पछि हटेका छन् । गम्भीरको स्थानमा श्रेयस ऐयरलाई जिम्मा दिन लागिएको हो । अवका आइपीएलका बाँकी सम्पुर्ण खेलमा दिल्ली ऐयरको कप्तानीमा खेल्नेछ ।
दिल्लीले अक्सन मार्फत टिममा अनुबन्धित गरेको गम्भीर यसअघि कोलकाता नाइट राइडर्समा थिए । त्यहाँ गम्भीरको उपलब्धि तथा अनुभवलाई हेरेर दिल्लीले उनलाई कप्तान बनाएको थियो। गम्भीरले कोलकाताको कप्तानी सम्हालेको वेलामा दुई पटक आईपीएल उपाधि हात पारीसकेका छन् ।
तर, अहिले जारी खेलमा उनको कामको निकै आलोचना भएको छ ।
पहिलो खेलका अर्धशतक बनाएका गम्भीरले बाँकी ५ खेलमा राम्रो गर्न सकेनन् । जसको कारणले गर्दा उनी निकै आलोचित भएका छन् । ६ मा एक खेल मात्र जितेको दिल्ली अंक तालिकाको पुछारमा छ

गम्भीरले भने टिमको अहिले भएको अवस्थाको सम्पुर्ण जिम्मेवारी लिन्छु र यस्तो अवस्थालाई ध्यानमा राखेर मैले कप्तानी छोड्ने निर्णय गरेको छु । मेरो भूमिका ऐयरले पुर्ण रुपमा निभाउने विश्वास लिएको छु । दिल्लीमा पत्रकार सम्मेलन गर्दै गाम्भीरले भने, ‘यो पूर्ण रुपमा मेरो व्यक्तिगत निर्णय हो । मैले गरेको यो निर्णयबाट हाम्रो टिमले अझ राम्रो गर्दै जानेछ । यसको लागि व्यवस्थापनबाट त्यस्तो कुनै कुरा नआएता पनि राम्रो समय हो भन्ने लाग्यो गम्भीरले भने ।