सन्दीपको विराट कोहलीको टिम (आरसिवि) बिरुद्ध बलिङ् गर्न पाउने संभावना बलियो

काठमाडौ । दिल्ली डेयर डेभिल्सलद्धारा नेपाली लेग बेक्रर सन्दीप लामिछानेको नयाँ तस्विर सार्वजनिक गरेको छ । इन्डियन प्रिमियर लिग (आइपिएल)को लागि गरेको पोष्टमा नेपालका सन्दीप लामीछाने संगै भारतीय बलर जयन्त यादवले अभ्यास गरिरहेको तस्विर पोष्ट गरेको छ । अबको पाचौ खेलको लागि दिल्लीले आउदो शनिबार रोयल च्यालेन्जर बेङ्लोर (आरसिविं) बीरुद्ध खेल्दै छ र त्यो खेलमा सन्दीपले बलिङ गर्न पाउने संभावना बलियो रहेको फोटोको आधारमा देखिएको छ । यस अघिको खेलमा पनि खराब प्रदर्शन गरिरहेको दिल्लीको बलिङमा निकै कमजोर देखिएको छ । दिल्लीले चार खेल खेलिसकेको छ जसमा ३ खेलमा पराजित भएको छ । त्यस्तै दिल्लीले कोलकाताविरुद्धको चौथो खेलमा ठूलो हार ब्यहोरेपछि दिल्लीको अधिकारिक वेबसाइटले हारको ५ वटा कारण बिश्लेषण गरेको छ । जसमा सन्दिपलाई मौका नदिएर हारेको र अवको बेङ्लोर बिरुद्धको खेलमा सन्दिपले बलिङ गर्न पाउने संभावना दरिलो रहेको देखिएको छ ।