कांग्रेसको विकल्प कांग्रेस नै हो, अरु हुन सक्दैनन् : शशांक

काठमाडौं, साउन ९ ।  नेपाली कांग्रेसका नेता डा. शशांक कोइरालाले नेपाली कांग्रेसको विकल्प अरु हुन नसक्ने बताएका छन्।

मंगलवार काठमाडौंमा आयोजित चियापान समारोहमा बोल्दै उनले यस्तो बताएका हुन्। उनले कांग्रेस एक भएको खण्डमा देशमा ठूलो परिवर्तन आउने भन्दै अहिलेको आवश्यकता एकतावद्ध कांग्रेस हुनु रहेको बताए।

उनले आफूले आयोजना गरेको चियापान समारोह कांग्रेसबीचको भाइचारा सम्बन्ध स्थापित गराउने माध्यम भएको पनि बताए।

उनले भने, ‘भाइचाराको सम्बन्ध स्थापित गर्न चियापान आयोजना गरेको हो। आउँदो दिनमा कता जाने हो? त्यो तय गर्नुपर्छ। नेपाली कांग्रेसको विकल्प अरु छैनन् नेपाली कांग्रेस नै हो। भविष्य नेपाली कांग्रेससँग छ। हामी एक भयौँ भने नेपाली कांग्रेसलाई कसैले हराउन सक्दैन। त्यसैले एक भएर जाऔँ।’