सभापति देउवालाई बुझाइँदै कांग्रेस रुपान्तरण अभियानको प्रतिवेदन

काठमाडौं,साउन २ । कांग्रेसभित्र संस्थापन शेरबहादुर देउवा र संस्थापन इतर नेता शेखर कोइरालाको कार्यशैलीप्रति असहमत तेस्रो धारले सञ्चालन गरेको कांग्रेस रुपान्तरण अभियानले तयार पारेको प्रतिवेदन सभापतिलाई बुझाइने भएको छ।

आजदेखि सानेपा मुख्यालयमा दिउँसो १ बजेदेखि बस्ने केन्द्रीय समिति बैठकअगावै सभापति देउवालाई कांग्रेस रुपान्तरण अभियानको प्रतिवेदन बुझाइने नेता गुरुराज घिमिरेले बताएका हुन्।

रुपान्तरण अभियानले सातै प्रदेशमा भएका भेलामा सहभागीबाट आएका सुझावलाई समेटेर प्रतिवेदन तयार पारेको छ। गत ११ देखि ३१ जेठम्म कांग्रेस रुपान्तरण अभियानले सातै प्रदेश भेला गरेको थियो।