प्रधानमन्त्री कप राष्ट्रिय भलिबलमा आज ६ खेल हुँदै

काठमाडौं, असार २४ ।  प्रधानमन्त्री कप राष्ट्रिय भलिबल क्लब च्याम्पियनसिपमा आइतबार ६ खेल हुँदैछन् । आइतबार पुरुष र महिलातर्फ ३–३ खेल हुन लागेका हुन् ।

आइतबारका खेलहरुमा पुरुषतर्फ हेल्प नेपाल र सैलुङ बागढुंगा स्पोर्ट्स क्लब, त्रिभुवन आर्मी क्लब र दावाली मिलन तथा गण्डकी प्रदेश र एपिएफ क्लबबिच प्रतिस्पर्धा हुनेछ ।

यस्तै, महिलातर्फ एपिएफ र गण्डकी, न्यु डायमन्ड र एभरेष्ट क्लब तथा त्रिभुवन आर्मी र नेपाल पुलिस क्लबबीच प्रतिस्पर्धा हुनेछ । दिनको पहिलो खेलमा हेल्प नेपाल स्पोर्ट्स क्लबले सैलुङ बागढुङ्गालाई सोझो सेटमा पराजित गरेको छ ।

तीन पाकिस्तानी खेलाडी सम्मिलित हेल्प नेपालले सैलुङमाथि २५–१२, २५–१५ र २५–१९ को सहज जित निकालेको हो ।