नेपालले जित्यो मलेसियाविरुद्धको ट्वान्टी–२० अन्तर्राष्ट्रिय शृंखला
KUALA LUMPUR, MALAYSIA – MAY 29: during match one of the 2023 MCA Bilateral Series between Nepal Women vs Malaysia Women at YSD-UKM Oval on May 29, 2023 in Kuala Lumpur, Malaysia (Photo by Peter Lim/PhotoDesk.com.my for Malaysia Cricket Association)
काठमाडौं, जेठ २१ । मलेसिया भ्रमणमा पुगेको नेपाली राष्ट्रिय महिला टिमले पाँच खेलको टी-२० सिरिज ३-२ ले जितेको छ।
आइतबार सिरिजअन्तर्गत भएको अन्तिम खेलमा नेपालले मलेसियालाई ३ विकेटले पराजित गर्दै सिरिज कब्जा गरेको हो।
त्यसअघि भएका चार खेलमा दुवै टिमले समान २-२ जित निकालेपछि सिरिजको अन्तिम खेल निर्णायक बनेको थियो।
सिरिजको पाँचौँ खेलमा नेपालले टस जितेर पहिले घरेलु टोलिलाई ब्याटिङको निम्ता दिएको थियो। जसमा मलेसियाले निर्धारित २० ओभरमा ५ विकेट गुमाएर १०९ रन बनाएको थियो।
उसका लागि विनिफ्रेड दुराइसिङ्घमले २४ रन बनाउँदा वान जिलया रोस्दीले ४७ रन बनाएकी थिइन्।
त्यस्तै, महिरा इज्जती इस्माइलीले २० रन बनाएकी थिइन अतिरिक्त रनका रुपमा मलेसियाले १२ रन पाएको थियो। नेपालका लागि कविता जोशीले २ विकेट लिँदा इश्वरी विष्टले एक विकेट लिएकी थिइन।
१ सय १० रनको लक्ष्य पछ्याएको नेपालका लागि सिता राना मगरले सर्वाधिक ३४ रन बनाउँदा रुविना क्षेत्रीले २३ रन बनाइन्।
त्यस्तै, ज्योती पाण्डेल ११ रनमा अविजित रहँदा उनलाई अप्सरी बेगमले १५ रनमा अविजित साथ दिएकी थिइन्। नेपालले मलेसियाले दिएको १ सय १० रनको लक्ष्य १९.२ ओभरमा ७ विकेट गुमाएर पूरा गरेको थियो।
प्रतिक्रिया दिनुहोस्