एसीसी प्रिमियर कपको उपाधि नेपाललाई, एसिया कपमा छनोट
काठमाडौं, बैशाख १९ । एसीसी प्रिमियर कपको फाइनलमा यूएईलाई ७ विकेटले पराजित गर्दै नेपाल एसिया कपका लागि छनोट भएको छ।
मंगलबार कीर्तिपुरस्थित त्रिवि क्रिकेट मैदानमा सम्पन्न फाइनल खेलमा बलिङमा ललितचम्किदा ब्याटिङमा गुल्सन र भीमको उत्कृष्ट महत्वपूर्ण साझेदारीमा नेपालले प्रिमियर कपको उपाधिसहित पहिलो पटक एसिया कपमा स्थान बनाएको हो ।
प्रिमियर कपको उपाधि जितेसँगै नेपालले यसै वर्षको सेप्टेम्बरमा पाकिस्तानमा हुने तालिका रहेको एसिया कपमा समूह ‘ए’ मा स्थान पक्का गरेको हो । ६ टिमको सहभागिता रहने प्रतियोगिताको यो समूहमा भारत र पाकिस्तान छ ।
एसिया कपमा नेपालले विश्व क्रिकेटका बलिया टोली भारत र पाकिस्तानसँग खेल्ने मौका पाउनेछ।
एसिया कपमा पाकिस्तान, भारत र नेपाल समूह ए मा हुनेछन्। समूह बी मा बंगलादेश, श्रीलंका र अफगानिस्तान छन्।
नेपाल दोस्रो पटक एसिया कपका लागि छनोट भएको हो। नेपाल यसअघि सन् २००२ मा एसिया कपका लागि छनोट भएको थियो।
सिंगापुरमा भएको एसीसी ट्रफीको फाइनलमा पुग्दै नेपाल एसिया कपका लागि छनोट भएको थियो।
प्रतिक्रिया दिनुहोस्