‘ए’ डिभिजन लिगमा आज दुई खेल हुँदै

काठमाडौं, बैशाख १० । शहीद स्मारक ‘ए’ डिभिजन लिग फुटबलमा आइतबार दुई खेल हुँदैछ ।

च्यासल मैदानमा हिमालयन शेर्पा क्लब र सातदोबाटो युथ क्लबबीच दिउँसो ३ बजे प्रतिस्पर्धा हुनेछ ।

हिमालयन तेस्रो तथा सातदोबाटो छैटौं जितको खोजीमा हुनेछ ।

हिमालयन ९ अंकका साथ १३ औं स्थानमा रहँदा सातदोबाटो १७ अंक जोडेर चौंथो स्थानमा रहेको छ ।

यसैगरी, त्रिपुरेश्वरस्थित दशरथ रंगशालामा हुने खेलमा संकटा क्लब र थ्री स्टार क्लबबीच साँझ ६ बजे प्रतिस्पर्धा हुनेछ ।

संकटा पाँचौं तथा थ्री स्टार छैटौं जितको खोजीमा हुनेछ ।

संकटा १५ अंक जोडेर आठौं स्थानमा रहेको छ भने थ्री स्टार १८ अंक जोडेर तेस्रो स्थानमा रहेको छ ।