ए डिभिजन लिगः आज तीन खेल हुँदै

काठमाडौं, चैत २७ ।  शहीद स्मारक ए डिभिजन लिग फुटबल अन्तर्गत सोमवार तीन खेल हुँदैछन्। आज दशरथ रंगशालामा दुई र एक खेल एन्फा कम्प्लेक्स, सातदोबाटोमा हुनेछ।

त्रिपुरेश्वरस्थित दशरथ रंगशालामा हुने पहिलो खेलमा चर्च ब्वाइज युनाईटेड र विभागीय टोली एपीएफ क्लवबीच प्रतिष्पर्धा हुनेछ। चर्च ब्वाइज र एपीएफबीचको खेल दिउँसो २ बजे शुरु हुनेछ। त्यस्तै आज नै सातदोबाटोस्थित एन्फा कम्प्लेक्समा हुने खेलमा फ्रेण्ड्स क्लव र नेपाल पुलिस क्लव भिड्नेछन्।

खेल दिउँसो २ बजे शुरु हुनेछ। रंगशालामा नै हुने आजको दोस्रो खेलमा मनाङ मस्र्याङ्दी क्लव र थ्री स्टार क्लवबीच प्रतिष्पर्धा हुनेछ। मनाङ र थ्री स्टारबीचको खेल साँझ ५ः४५ बजे शुरु हुनेछ।