शहिद स्मारक ए डिभिजन लिगमा आज दुई खेल हुँदै

काठमाडौँ , चैत २० । शहीद स्मारक ए डिभिजन लिग फुटबलको छैटौँ चरणका खेलहरू सुरु हुँदैछन् । आज लिगअन्तर्गत दुई खेल हुँदैछन् ।

पहिलो खेल च्यासल मैदानमा र दोस्रो खेल एन्फा कम्प्लेक्समा हुने भएको छ । च्यासल मैदानमा दुई विभागीय टोली एपीएफ क्लब र नेपाल पुलिस क्लवबीच प्रतिस्पर्धा हुनेछ । खेल दिउँसो २ बजे सुरु हुने जनाइएको छ ।

यस खेलमा एपीएफ आज तेस्रो जितको खोजीमा हुनेछ । उसले ७ अंक जोडेर छैटौँ स्थानमा रहेको छ । पुलिस भने लिगमा पहिलो जितको खोजीमा हुनेछ । पाँचौँ चरणसम्म जितविहीन पुलिस पहिलो ३ अंकको योजनामा रहेको छ । पुलिस १ अंक जोडेर पुछारमा रहेको छ ।

यस्तै एन्फा कम्प्लेक्समा हुने दोस्रो खेलमा संकटा क्लब र एफसी खुमलटारबीच प्रतिस्पर्धा हुनेछ । संकटा र खुमलटारबीचको खेल पनि दिउँसो २ बजे नै सुरु हुनेछ ।