ए डिभिजन लिगमा हिमालयन शेर्पाको पहिलो जित

काठमाडौं, फागुन २४ । अमृत श्रेष्ठको निर्णायक गोलमा सहिद स्मारक ए डिभिजन लिगमा हिमालयन शेर्पा क्लबले पहिलो जित दर्ता गरेको छ।

विभागीय टोली नेपाल पुलिस क्लबले लिगमा लगातार दोस्रो हार व्यहोरेको छ।

त्रिपुरेश्वरस्थित दशरथ रंगशालामा बुधबार भएको खेलमा शेर्पाले नेपाल पुलिस क्लबलाई १–० गोल अन्तरले पराजित गरेको हो।

इन्ज्युरी समयमा अमृत श्रेष्ठले गोल गर्दै शेर्पाको जित पक्का गरेका हुन् ।