लिग–२ : आज पपुवा न्युगिनीसँग भिड्दै नेपाल
Published On : 3 March, 2023 10:56 am
काठमाडौं, फागुन १९ । आईसीसी विश्वकप लिग–२ त्रिकोणात्मक एक दिवसीय सिरिजमा नेपालले आज पपुवा न्युगिनी (पीएनजी) सँग खेल्दै छ।
दुबई इन्टरनेसल क्रिकेट स्टेडियममा हुने खेल नेपाली समयानुसार पौने १२ बजे सुरु हुनेछ।
पहिलो खेलमा पीएनजीलाई ४ विकेटले हराएको नेपाली टोली लगातार दोस्रो जित हासिल गर्न चाहन्छ।
शीर्ष तीनमा पर्दै सोझै एकदिवसीय विश्वकप छनोट खेल्न नेपालले बाँकी सबै ६ खेल जित्नैपर्ने दबाब छ। शीर्ष पाँचमा रहँदै एक दिवसीय मान्यता जोगाउन नेपालले चार खेल जित्नुपर्ने हुन्छ।
३० खेलमा १३ मा हार र १५ मा जितसहित २८ अंकमा नेपाल छैटौं स्थानमा छ। समान ३० खेलमा ३ मा जित र २६ मा हारसहित ७ अंकमा पीएनजी तालिकाको पुछारमा छ।
प्रतिक्रिया दिनुहोस्