आयोजक नेपाल एपीएफ स्कुल र ल्याब्रेटोरी फाईनलमा प्रवेश

काठमाडौं, फागुन ११ ।  सातौं नेपाल एपीएफ स्कुल कप आमन्त्रित फुटबल प्रतियोगिता अन्तर्गत सम्पन्न पहिलो सेमी फाईनल खेलमा आयोजन नेपाल एपीएफ स्कुल, कीर्तिपुरले नेपाल पुलिस स्कुल, साँगालाई 1-0 गोल अन्तरले पराजित गरी फाईनलमा प्रवेश गरेको छ ।

नेपाल एपीएफ स्कुल, कीर्तिपुरको तर्फबाट विकास बोहोराले 1 गोल गरेका थिए । त्यसैगरी आज सम्पन्न दोस्रो सेमी फाईनल खेलमा ल्याब्रेटोरी माध्यमिक विद्यालय, कीर्तिपुरलेलिटिल एन्जल्स स्कुल, ललितपुरलाई 3-0 गोल अन्तरले पराजित गरी फाईलनको यात्रा तय गर्न सफल भएको छ ।

ल्याब्रेटोरी माध्यमिक विद्यालयको तर्फबाट रविन बम्जन, ईसान बढाथोकी र हरिस जंग शाहीले 1-1 गोल गरेका थिए । 14 गते आयोजक नेपाल एपीएफ स्कुल र ल्याब्रेटरी माध्यमिक विद्यालय फाईलनको लागी भिड्दै छन् ।