नेपाल पुलिस स्कुल र ल्याब्रेटोरी स्कुल सेमीफाईनलमा प्रवेश

काठमाडौं, फागुन ९ । सातौं नेपाल एपीएफ स्कुल कप आमन्त्रित फुटबल प्रतियोगिता अन्तर्गत दोस्रो दिन सम्पन्न क्वाटर फाईनल खेलहरुमा ल्याब्रेटोरी स्कुलले राराहिल मेमोरियल स्कुललाई 8-1 को फराकिलो गोल अन्तरले पराजित गरी सेमीफाईनलमा प्रवेश गरेको छ ।

ल्याब्रेटोरी स्कुलको तर्फबाट रविन बम्जन-5, विज्ञान खड्का, निशान बुढाथोकी र विष्णु चन्दले 1-1 गोल गरेका थिए भने राराहिलको तर्फबाट मनोज वलीले 1 गोल गरेका थिए ।

त्यसैगरी आज सम्पन्न दोस्रो क्वाटर फाईनल खेलमा नेपाल पुलिस स्कल साँगाले ब्राईट होराईजन चिल्ड्रेन्स होमलाई 5-0 ले पराजित गर्यो। नेपाल पुलिसको तर्फबाट भुपेश लामा-2, लक्ष्मण थामी, नसिव हम्जाङ्ग, राम थामीले 1-1 गोल गरेका थिए ।

11 गते हुने सेमी फाईनल चरणका खेलहरु निम्न अनुसार रहेका छन्।

१. नेपाल एपीएफ स्कुल कीर्तिपुर विरुद्ब नेपाल पुलिस स्कुल, साँगा
२. लिटिल एन्जल्स स्कुल, ललितपुरविरुद्ब ल्याब्रेटोरी माध्यमिक विद्यालय, कीर्तिपुर