सातौं नेपाल एपीएफ स्कुल कप : ग्रिन भिलेज सेकेण्डर स्कुल विजयी

काठमाडौं, फागुन ४ ।  सातौं नेपाल एपीएफ स्कुल कप आमन्त्रित फुटबल प्रतियोगिता अन्तर्गत नवौं दिन सम्पन्‍न खेलहरुमा ग्रिन भिलेज सेकेण्डर स्कुल विजयी भएको छ ।

डि.ए.भि स्कुल र नाईटिङ्गल ईन्टरनेशनल स्कुल विच भएको खेल 0-0 को बराबरी, लिटिल एन्जल्स र नेक्सस ईन्टरनेशनल स्कुल विच 1-1 को बराबरीमा सम्पन्न भएको थियो ।

लिटिल एन्जल्सको तर्फबाट सुमन वि.क.ले 1 गोल र नेक्सस ईन्टरनेशनल स्कुलको तर्फबाट कृष्ण आलेले 1 गोल गरेका थिए । त्यसैगरी ग्रिन भिलेज सेकेण्डरी स्कुलले हारति शिक्षा मन्दिरलाई 1-0 को झिनो अन्तरले पराजित गर्यो । ग्रिन भिलेज सेकेण्डरी स्कुलको तर्फबाट मिलन पुनले निर्णायक गोल गरेका थिए ।

त्यसैगरी भोली5 गते हुने लिग चरणका खेलहरु निम्न अनुसार रहेका छन् ।

१. नेपाल पुलिस स्कुल, साँगाविरुद्ध पुष्पाञ्जली सेकेण्डरी स्कुल, गोदावरी ।
२. सैनिक आवासिय महाविद्यालय, सल्लाघारीविरुद्ध बेशिक लर्निङ्ग बोर्डिङ्ग स्कुल, सतुङ्गल ।
३. मोर्डन ईन्डिएन स्कुल, चोभार विरुद्ध लिटिल एन्जल्स स्कुल,लतितपुर।
४. ग्रिन भिलेज एजुकेशन फाउण्डेशन, कीर्तिपुर विरुद्ध ब्राईट होराईजन चिल्ड्रेन्स होम, मातातिर्थ ।