नेपाली महिला टिमले आज भारतसँग मैत्रीपूर्ण खेल्दै

काठमाडौं, फागुन ३ । नेपाली राष्ट्रिय महिला फुटबल टिमले आज भारतसँग पहिलो मैत्रीपूर्ण खेल खेल्दैछ। ओलम्पिक छनोटको तयारी गरिरहेको भारतले नेपालसँग मैत्रीपूर्ण खेल्न लागेको हो।

अघिल्लो साफमा झैं नेपाली टिमले अहिले गोलकिपर एन्जिलालाई कप्तान बनाएको छ। एन्जिला नेपाली टिमको पहिलो रोजाईकी गोलकिपरसमेत हुन्।

त्यस्तै साफमा जस्तै नेपाली टिमले भारतलाई हराउने सोच बनाएको छ। त्यो सेमीफाइनल खेलम नेपालले भारतलाई १–० ले हराएको थियो। भारत नेपाली टिमलाई हराएर ओलम्पिक छनोटका लागि आफ्नो खेलाडीमा गुमेको आत्मविश्वास फर्काउन चहान्छ।

आज नेपाल र भारतको खेलमा चेन्नईको जवाहरलाल नेहहरु रंगशालामा साँझ पौने ८ बजेबाट सुरु हुनेछ। नेपाली टिमले काठमाडौंमा नै भएको महिला साफ च्याम्पियनसिपपछि कुनै खेले खेलेको थिएन। अहिले यो मैत्रीपूर्ण खेल्न लागेको हो।

त्यो खेलमा नेपाली टिमका फरवार्ड सावित्रा भण्डारी खेल्नका लागि फिट थिइनन् भने डिमफिल्डर रेनुका नगरकोटी र पुजा राना पनि घाइते थिए। अहिले ती खेलाडी मैदान फर्किसकेका छन्। यसले गर्दा प्रतिस्पर्धाको स्तर बढ्ने कप्तान एन्जिलाले बताएकी छन्।