नेपाल एपीएफ स्कुल, नेपाल पुलिस स्कुल, र राराहिल स्कुल विजयी

काठमाडौं, फागुन २ । सातौं नेपाल एपीएफ स्कुल कप आमन्त्रित फुटबल प्रतियोगिता अन्तर्गत सातौ दिन सम्पन्‍न खेलहरुमा  नेपाल एपीएफ स्कुल, नेपाल पुलिस स्कुल, र राराहिल स्कुल विजयी भएका छन् ।

आयोजक विद्यालय नेपाल एपीएफ स्कुलले ग्रिन भिलेज सकेण्डरी स्कुललाई 6-0 को फराकिलो गोल अन्तरले पराजित गर्यो ।

नेपाल एपीएफ स्कुलको तर्फबाट डम्बर वि.क.-3, विकास बोहोरा-2 र दिपेश गुरुङ्गले १ गोल गरेका थिए ।राराहिल मेरोरियल स्कुलले हारति शिक्षा मन्दिरलाई 5-0 गोल अन्तरले पराजित गर्यो ।

राराहिल स्कुलको तर्फबाट सुसाङ्क खड्का, सुदिप बस्नेत, एड्रिन थापा, मनोज वलीले 1-1 गोल गरेका थिए भने १ आत्मघाति गोल भएको थियो ।

आजै सम्पन्न तेस्रो खेलमा नेपाल पुलिस स्कुल साँगाले नेक्सस ईन्टरनेशनल एकेडेमीलाई 2-0 को गोल अन्तरले पराजित गर्यो । नेपाल पुलिस स्कुलको तर्फबाट पदम चौलागाई र राम थामीले 1-1 गोल गरेका थिए ।

त्यसैगरी भोली 3 गते हुने लिग चरणका खेलहरु निम्न अनुसार रहेका छन् ।

१. ल्याब्रेटोरी माध्यमिक विद्यालय, कीर्तिपुर विरुद्ध सैनिक आवासिय महाविद्यालय,भक्तपुर ।

२. मोर्डन ईन्डियन स्कुल, चोभारविरुद्ध पुष्पाञ्जली सेकेण्डरी स्कुल, गोदावरी।

३. ब्लुम नेपाल स्कुल, ललितपुर विरुद्ध क्रियटिभ एकेडेमी, कीर्तिपुर ।

४. नेपाल एपीएफ स्कुल कीर्तिपुर विरुद्ध राराहिल मेमोरियल स्कुल