ल्याब्रेटोरी स्कुल, राराहिल स्कुल र ग्रिन भिलेज एजुकेशन फाउण्डेशन विजयी

काठमाडौं, फागुन १ । सातौं नेपाल एपीएफ स्कुल कप आमन्त्रित फुटबल प्रतियोगिता अन्तर्गत छैठौ दिन सम्पन्‍न खेलहरुमा ल्याब्रेटोरी स्कुल, राराहिल स्कुल र ग्रिन भिलेज एजुकेशन फाउण्डेशनले सोमवार सम्पन्न खेलहरुमा जित हात पारेका छन् ।

रारहिलले ग्रिन भिलेज सेकेण्डरीलाई 1-0 ले पराजित गर्यो । राराहिलको तर्फबाट मनोज वलिले गोल गरेका थिए । ग्रिन भिलेज एजुकेशन फाउण्डेसनले क्रियटिभ स्कुल माथि 4-0 को जित हात पार्यो ।

फाउण्डेशनको तर्फबाट सुविन्द्र बम, अरविन्द्र थापा दिपेश विष्ट र सोप्निल बस्नेतले 1-1 गोल गरे । त्यस्तै ल्याब्रेटोरी स्कुलले नाईटिङ्गेल स्कुल माथि 8-0 फराकिलो जित हात पार्यो । ल्याब्रेटोरीको तर्फबाट रविन बम्जन-4, आकर्षण खत्री-2 रितिक फडेरा र विष्णु चन्दले 1-1 गोल गरेका थिए ।

त्यसैगरी भोली 2 गते हुने लिग चरणका खेलहरु निम्न अनुसार रहेका छन् ।

१. हारति शिक्षा मन्दिर स्वयम्भु विरुद्ध राराहिल मेमोरियल स्कुल, कीर्तिपुर ।
२. ग्रिन भिलेज सेकेण्डरी, कीर्तिपुर विरुद्ध नेपाल एपीएफ स्कुल, कीर्तिपुर।
३. नेपाल पुलिस स्कुल साँग विरुद्ध नेक्सस ईन्टरनेशनल एकेडेमी, ललितपुर ।