नेपाल पुलिस स्कुल, नेक्सस ईन्टरनेशनल एकेडेमी र डि.ए.भि. स्कुल विजयी

काठमाडौं , माघ २९ । सातौं नेपाल एपीएफ स्कुल कप आमन्त्रित फुटबल प्रतियोगिता अन्तर्गत पाँचौ दिन आज भएका खेलमा नेपाल पुलिस स्कुल, नेक्सस ईन्टरनेशनल एकेडेमी र डि.ए.भि. स्कुल विजयी भएका छन् ।

प्रतियोगिता अन्तर्गत पाँचौ दिन सम्पन्‍न लिग चरणका खेलहरुमा नेक्सस ईन्टरनेशनल एकेडेमीले मोडन ईन्डियन स्कुललाई 4-0 गोल अन्तरले पराजित गरेको थियो ।

उक्त खेलमा नेक्सस ईन्टरनेशनल एकेडेमीको तर्फबाट अनिष थापा मगर- 1, कृष्ण आले-1, किशोर कुमार दनुवार-1 र अस्विन्त कुङ्गेनाम-1 गोल गरेका थिए। त्यसैगरी आज सम्पन्‍न भएको दोस्रो खेलमा नेपाल पुलिस स्कुल सँगाले लिटिल एन्जस्स स्कुललाई 4-3 गोल अन्तरले पराजित गरेको थियो ।

जसमा पुलिस स्कुलको तर्फबाट लक्ष्मण थामि-2, निश्चल मगर-1 र पदम चौलागाईले-1 गोल गरेका थिए भने लिटिल एन्जल्सको तर्फबाट सन्तोष कार्की-1, टेन्जिङ्ग नोर्साङ्ग लामा-1 र आयुष माझिले 1 गोल गरेका थिए ।

त्यसैगरी आज सम्पन्न तेस्रो खेलमा डि.ए.भि. स्कुल ललितुरले बेशिक लर्निङ्ग बोर्डिङ्ग स्कुल सतुङ्गललाई 1-0 को झिनो अन्तरले पराजित गरेको थियो । जसमा डि.ए.भि. स्कुलको तर्फबाट सुधारकर घिमिरेले गोल गरेका थिए।

त्यसैगरी भोली 1 गते हुने लिग चरणका खेलहरु निम्न अनुसार रहेका छन् ।

१. गिन् भिलेज सेकेण्डरी स्कुल, कीर्तिपुर विरुद्ध राराहिल मेमोरियल स्कुल, कीर्तिपुर ।

२. ग्रिन भिलेज एजुकेशन फाउण्डेसन, कीर्तिपुर विरुद्ध क्रियटिभ एकेडेमी कीर्तिपुर।

३. ल्याब्रेटोरी माध्यमिक विद्यालय, कीर्तिपुर विरुद्ध नाईटिङ्गल ईन्टरनेशनल स्कुल, ललितपुर ।