सातौं नेपाल एपीएफ स्कुल कप: नेपाल पुलिस स्कुल साँगा र लिटिल एन्जल्स स्कुल विजयी

काठमाडौं, माघ २७ ।  सातौं नेपाल एपीएफ स्कुल कप आमन्त्रित फुटबल प्रतियोगिता अन्तर्गत तेस्रो दिन सम्पन्‍न खेलमा नेपाल पुलिस स्कुल साँगा र लिटिल एन्जल्स स्कुल विजयी भएका छन् ।

जारी  प्रतियोगिता अन्तर्गत तेस्रो दिन सम्पन्‍न खेलहरुमा नेपाल पुलिस स्कुल साँगाले मोडन ईन्डिएन स्कुल चोभारलाई 3-0 को गोल अन्तरले पराजित गरेको छ।

उक्त खेलमा नेपाल पुलिस स्कुलको तर्फबाट लक्ष्मण थामि-१, राम थामी-1, प्रत्युस के.सी.ले 1गोल गरेका थिए।

त्यसैगरी आज भएको दोस्रो खेलमा लिटिल एन्जल्स स्कुल ललितपुरले पुष्पाञ्जजली माध्यमिक विद्यालय गोदावरीलाई 3-0को गोल अन्तरले पराजित गरेको थियो ।

जसमा लिटिल एन्जल्स स्कुलको तर्फबाट सृजन श्रेष्ठ-2, सुमन वि.क. ले 1 गोल गरेका थिए ।

त्यसैगरी भोली 28 गते हुने लिग चरणका खेलहरु निम्न अनुसार रहेका छन् ।

१. सैनिक आवासिय महाविद्यालय, सल्लाघारी विरुद्ध डि.ए.भि. स्कुल, ललितपुर ।

२. क्रियटिभ एकेडेमी कीर्तिपुर विरुद्ध ब्राईट होराईजन चिल्ड्रेन्स होम, मातातिर्थ ।
३. ल्याब्रेटोरी माध्यमिक विद्यालय, कीर्तिपुर विरुद्ध बेशिक लर्निङ्ग बोर्डिङ्ग स्कुल, सतुङ्गल ।