सातौं नेपाल एपीएफ स्कुल कप आमन्त्रित फुटबल प्रतियोगितामा ल्याब्रेटोरी माध्यमिक विद्यालयको सानदार जित

काठमाडौं, माघ २६ ।  सातौं नेपाल एपीएफ स्कुल कप आमन्त्रित फुटबल प्रतियोगितामा ल्याब्रेटोरी माध्यमिक विद्यालयले सानदार जित हासिल गरेको छ ।

आमन्त्रित फुटबल प्रतियोगिता अन्तर्गत दोस्रो दिन सम्पन्‍न खेलहरुमा ल्याब्रेटोरी माध्यमिक विद्यालयले डि.ए.भि. स्कुल ललितपुरलाई 14-0 को फराकिलो गोल अन्तरले पराजित गरेको  हो ।

उक्त खेलमा ल्याब्रेटोरी स्कुलको तर्फबाट रवि बम्जनले 6, निशान भट्टराईले 5, विज्ञान खड्काले 2 र १ आत्मघाती गोल गरेका थिए। त्यसैगरी आज भएको दोस्रो खेलमा ग्रिन भिलेज एजुकेशन फाउण्डेशन स्कुल कीर्तिपुर र ब्लुम नेपाल स्कुल ललितपुरले 3 – 3 गोलको बराबरी खेलेका थिए ।

उक्त खेलमा ग्रिन भिलेज एजुकेशन फाउण्डेशनको तर्फबाट सोप्निल बस्नेतले 1, अर्बिन थापाले 1 र प्रत्युश हमालले 1 गोल गरेका थिए भने ब्लुम नेपाल स्कुलको तर्फबाट गगनराज मल्लले 1, राजकुमार रावलले 1 र 1 आत्मघाती गोल गरेका थिए । ।

त्यसैगरी भोली 27 गते पनि दुई खेल हुने भएका छन्  जसमा   नेपाल पुलिस स्कुल, साँगा विरुद्ध मोडल ईन्डियन स्कुल, चोभार र  लिटल एन्जल्स स्कुल, ललितपुर विरुद्ध पुष्पान्जली माध्यमिक विद्यालय, गोदावरी भिड्ने छन् ।