साफ यू–२० महिला च्याम्पियनसिप : नेपालले आज भुटानसँग खेल्दै
Published On : 5 February, 2023 9:55 am
काठमाडौं, माघ २२ । बंगलादेशमा जारी साफ यू–२० महिला च्याम्पियनसिप फुटबलको दोस्रो खेलमा नेपालले आइतबार भुटानसँग खेल्दैछ ।
ढाकामा हुने नेपाल र भुटानबीचको खेल नेपाली समय अनुसार दिउँसो सवा ३ बजे सुरु हुनेछ ।
भुटानविरुद्ध मैदान उत्रदा नेपाल पहिलो जितको खोजीमा हुनेछ । यस्तै, भुटान पनि पहिलो जितको खोजीमा हुनेछ ।
शुक्रबार भएको खेलमा नेपाल आयोजक बंगलादेशसँग ३–१ ले तथा भुटान भारतसँग १२–० ले पराजित भएको थियो ।
प्रतियोगितामा नेपालसहित आयोजक बंगलादेश, भारत र भुटानको सहभागिता रहेको छ ।
प्रतिक्रिया दिनुहोस्