विमान दुर्घटनामा पर्वतका एकै परिवारका ४ सहित १० जनाको मृत्यु

काठमाडौं, माघ २ ।  आइतबार पोखरामा भएको यति एयरलाइन्सको विमान दुर्घटनामा पर्वतका १० जनाको मृत्यु भएको पुष्टि भएको छ ।

एकै परिवारका ४ र अरू ६ जनासहित १० जनाको मृत्यु भएको र उनीहरुको शवको पहिचान समेत भइसकेको हाे ।

मुत्यु हुनेहरुमा कुश्मा १ पाङकी रचना काफ्ले र उनका १० महिनाका छोरा रिहान पौडेल, कुश्मा ९ का अरुण पौडेल र उनकी ११ वर्षीया छोरी प्रसिद्धि पौडेल तथा कुश्मा नगरपालिका-१४ आर्थर डाँडाखर्कका पत्रकार त्रिभुवन पौडेलको मृत्यु भएको छ ।

त्यस्तै मोदी गाउँपालिका-१ का भुकताङ्लेका विजय गुरुङ, बिहादी गाउँपालिका-५ उरामपोखराका युवराज शर्मा, उनकी पत्नी जमुना शर्मा, उनीहरूका नाति आयुर्दी शर्मा र नातिनी बेवी शर्मा रहेका छन् ।