विराटनगर नेपाल टी-२० को फाइनलमा, उपाधिका लागि लुम्बिनीसँग भिड्ने

काठमाडौं, २६ पुस ।  विराटनगर सुपर किंग्स नेपाल टी-२० को फाइनलमा पुगेको छ ।

मंगलबार सम्पन्न दोस्रो क्वालिफायरमा जनकपुर रोयल्सलाई ३९ रनले पराजित गर्दै विराटनगर फाइनलमा पुगेको हो ।

विराटनगरले दिएको १६८ रनको लक्ष्य पछाएको जनकपुरले १९.१ ओभरमा १२८ रन बनाएपछि खेल विराटनगरले ३९ रनले जितेको छ ।

यस अघि टस जितेर पहिला ब्याटिंग गरेको विराटनगरले २० ओभरमा ६ विकेट गुमाएर १६७ रन बनाएको थियो ।

अब विराटनगर सुपर किंग्सले फाइनलमा उपाधिको लागि लुम्बिनी अल स्टार्ससँग प्रतिष्पर्धा गर्ने भएको छ । फाइनल खेल बुधबार हुने छ ।