रियल म्याड्रिडद्वारा लास पाल्मास पराजित

पाल्मास (एजेन्सी) । गए राति भएको स्पेनिस ला लिगामा साविक विजेता रियल म्याड्रिडले लास पाल्मासलाई ३–० ले हराएको छ ।
खेलमा बेलले खेलको २६ औं मिनेटमा टोलीलाई अग्रता दिलाएका थिए । त्यस्तै पहिलो हाफको ३९ औं मिनेटमा करिम बेन्जेमाले गोल गर्दै पाहुना टोलीको अग्रता दोब्बर पारे । दोस्रो हाफमा बेलले आफ्नो व्यक्तिगत दोस्रो र टिमको तेस्रो गोल गर्दै ३ अंक सुनिश्चित गरेका थिए ।