पारिश्रमिक विवादले अवरुद्ध नेपाल टी- २० लिग सुचारु

काठमाडौं, पुस १९ । पारिश्रमिक विवादले रोकिएको नेपाल टी-२० लिग प्रतियोगिता सुचारु भएको छ। खेलाडी र नेपाल क्रिकेट संघ क्यानबीच लामो छलफलपछि खेल सुचारु भएको हो।

क्यानका पदाधिकारी र नेपाल टी-२० लिगका मालिकहरुले खेलाडीलाई पारिश्रमिक दिने सहमती भएपछि खेलाडी खेल्न तयार भएका छन्।

काठमाडौं नाइट्स र विराटनगर सुपर किङ्सबीचको खेललाई ९ ओभरमा छोट्याइएको छ। यस खेलमा काठमाडौंले टस जितेर ब्याटिङ रोजेको छ।