नेपाल टी-२० को विजेताले ५५ लाख पुरस्कार पाउने
काठमाडौं, पुस ८ । नेपाल टी-२० लिगको विजेता टिमले ५५ लाख रुपैयाँ पुरस्कार प्राप्त गर्ने भएको छ ।
उपविजेता टिमले ३० लाख तेस्रो टोलीले १० लाख र चौथो हुनेले ५ लाख रुपैयाँ नगद पुरस्कार प्राप्त गर्ने भएको छ ।
नेपाल टी- २० लिगका निर्देशक जतिन अग्रवालले पुरस्कार घोषणा गर्दै प्रतियोगिताको प्लेयर अफ द टुनामेन्टले पाँच लाख रुपैयाँ पाउने बताएका छन् ।
त्यस्तै प्रतियोगिता उत्कृष्ट ब्याट्सम्यान र बलरले समान २ लाख ५० हजार प्राप्त गर्नेछन् । प्रतियोगिता हरेक प्लेयर अफ द म्याचले ४० हजार नगद पुरस्कार दिइने छ भने प्रतियोगिताको उदीयमान खेलाडीले १ लाख ८० हजार दिइने छ ।
प्रतियोगिता शनिबार देखि सुरु हुनेछ । प्रतियोगिता तेस्रो पटक सर्दै शनिबार देखि सुरु हुने भएको हो ।
नेपाल टी-२० मा काठमाडौं नाइट्स, पोखरा एभेन्जर्स, विराटनगर सुपर किंग्स, लुम्बिनी अल स्टार्स, जनकपुर रोयल्स र फार वेस्टर्न युनाइटेडसहित ६ फ्रेन्चाइज टोली सहभागी प्रतियोगिता डबल राउन्ड रोविनको आधारमा हुनेछ ।
प्रतिक्रिया दिनुहोस्