फ्रान्ससँग मोरक्को हारेपछि पेरिसमा दंगा

काठमाडौँ , मंसिर २९ । फिफा विश्वकपको सेमिफाइनलमा मोरक्को फ्रान्ससँग हारेपछि मोरक्को समर्थकहरूले पेरिस र ब्रसेल्सका सडकमा झडप गरेका छन् ।

फ्रान्सका कतिपय स्थानमा मोरक्को र फ्रान्स समर्थकबीच भिडन्त पनि भएको छ । उत्पातीहरूले प्रहरीसँग पनि झडप गरेका छन् ।

बेल्जियमको राजधानी ब्रसेल्समा मोरक्को समर्थकहरू साउथ स्टेसनमा भेला भएका थिए । उनीहरूले त्यहाँ आगजनी पनि गरेका छन् ।

कतिपय स्थानमा प्रहरीले पानीको फोहरा र अश्रूग्यास प्रहार गरेको थियो । केही मोरक्को समर्थकलाई प्रहरीले पक्राउ पनि गरेको छ ।

मोरक्कोलाई हराएर फ्रान्स विश्वकप फाइनलमा लगातार दोस्रोपटक प्रवेश गरेको छ ।