तारा एयरको जहाज ठुलो दुर्घटनाबाट जोगियो

काठमाडौं, मंसिर २१ । हुम्लामा तारा एयरको जहाज ठुलो दुर्घटना हुनबाट जोगिएको छ ।

नेपालगञ्जबाट हुम्लाको सिमकोटका लागि उडेको कार्गो जहाज चराबाट ठोक्किदा ठुलो दुर्घटनाबाट जोगिएको हो ।

दिउँसो करिब १ बजेतिर चरा ठोक्किँदा जहाजको अगाडिपट्टिको भागमा क्षति भएको छ ।अदानचुली गाउँपालिकाको मुने लेकनजिकैको आकाशमा चिल ठोक्किएको तारा एयरले जनाएको छ ।

जहाजमा सवार चालक दलका सबै सदस्य सिमकोट विमानस्थल अवतरण गरेका छन् ।