फेरि पनि पाँच दलीय गठबन्धनकै सरकार बन्छ : गृहमन्त्री खाँण

काठमाडौं, मंसिर ११ । गृहमन्त्री बालकृष्ण खाणले फेरि पनि सत्ता गठबन्धनकै सरकार बन्ने बताएका छन्।

भैरहवामा आज भएको गठबन्धनको बैठकमा गृहमन्त्री खाँणले चुनावी परिणाम आइसकेपछि पाँच दलीय गठबन्धनकै सरकार बन्ने उनले बताएका हुन्।

खाँण रूपन्देही ३ बाट प्रतिनिधि सभा सदस्यमा पराजित भएका छन्। उनले जनताको अभिमतलाई आफूले सहजतापूर्वक लिएको बताए।

‘अब गठबन्धनकै सरकार बन्छ। पाँचदलीय गठबन्धनकै बहुमत पुग्छ,’ उनले भने, ‘नागरिकका अवस्था सुधार गर्न सरकारले काम गर्नुपर्छ। अब बन्ने सरकार ५ वर्षसम्म टिक्छ,’ उनले भने।

उनले अब प्रधानमन्त्री को बन्ने भन्ने विषय सत्ता गठबन्धनका शीर्ष नेताको बैठकले टु्ंग्याउने जानकारी दिए।

प्रतिक्रिया दिनुहोस्