दिल्ली पुगेसंगै सन्दिपको ब्यस्तता बढ्यो

काठमाडौ । नेपाली पहिलो खेलाडी सन्दीप लामिछाने इन्डियन प्रिमियर लिग (आईपीएल)को लागि मंगलबार दिल्ली पुगेसंगै आफ्नो क्लब दिल्ली डेयरडेभिल्सका प्रायोजकका लागि फोटोसुट तथा नेट अभ्यासमा व्यस्त भएका छन् ।
उनले बुधबार साँझ देखि नेट अभ्यासको लागि दिल्ली डेयरडेभिल्सको गृहमैदानमा सुरु गरेका छन् । नयाँ दिल्लीको बाह्रखम्बास्थित ललित होटलमा टिम सहित बसेका सन्दिप आफ्नो व्यस्तताबारे भन्दै, ‘म यहाँ आउनासाथ फोटोसुटमा व्यस्त छु, बुधबारै अभ्यास पनि सुरु भएको छ ।’
आईपीएलको लागि पहिलो नेपाली खेलाडी रहेका सन्दीप र उनको खेलप्रति नेपालमा मात्र होइन, भारतमै पनि विशेष चासो रुपमा हेरिएको छ । सन्दीपको खेलसँग आफू त्यति परिचित नभए पनि आईपीएल उनका लागि राम्रो प्लेटफर्म हुने दिल्ली डेयरडेभिल्सका कप्तान गौतम गम्भीरले बताए ।