प्रचण्ड सहभागी हुने कार्यक्रमस्थल नजिकै बम विस्फोट,एक जना घाइते

काठमाडौं, कार्तिक ३० । माओवादी केन्द्रका अध्यक्ष पुष्पकमल दाहाल प्रचण्ड सहभागी हुने चुनावी सभामा बम विस्फोट भएको छ ।

बुधबार दिउँसो भोजपुरको तिवारी भन्ज्याङ भन्ने स्थानमा प्रचण्डले सम्बोधन गर्ने चुनावी कार्यक्रमस्थल नजिकै एक व्यक्तिले बोकेको बम विस्फोट भएको हो ।

घटनामा एक व्यक्ति घाइते भएको डीएसपी शरदकुमार थापाले जानकारी दिए ।बम कसले बिस्फोट गराएको भन्ने खुलिसकेको छैन ।