अर्जेन्टिना विरुद्ध स्पेनको ६ गोल

जुरिच (एजेन्सी) गए राति अन्तर्राष्ट्रिय मैत्रीपूर्ण खेल अन्तर्गत स्पेनले अर्जेन्टिनालाई ६–१ को फराकिलो अन्तरले स्तब्ध बनाएको छ ।
स्पेनले पहिलो हाफमा २–१ को अग्रता लिएको थियो भने दोस्रो हाफमा ४ गोल थप्दै अर्जेन्टिनालाई स्तब्ध बनायो । स्पेनका लागि इस्कोले ३ गोल गरेका थिए भने डिएगो कोस्टा, इआगो आस्पास र थियागोले एकएक गोल गरे । अर्जेन्टिनाका लागि डिफेन्डर निकोलास ओटामेन्डिले एक गोल गरेका थिए । यस खेलमा अर्जेन्टिनाका स्टार लियोनल मेस्सी मैदानमा सामेल थिएनन् ।