चितवनमा चुनाव प्रचारमा रहेको उमेश श्रेष्ठको गाडी तोडफोड

काठमाडौं, कार्तिक ३० । चुनाव प्रचारमा रहेको चितवन क्षेत्र नं। २ का नेपाली कांग्रेस उम्मेदवार उमेश श्रेष्ठको गाडी तोडफोड भएको छ । श्रेष्ठको कार भरतपुरमा तोडफोड भएको हो ।

अपरिचित समूहले आज बिहान ११ बजेतिर बा ३ च २०५० नम्बरको प्राडो कारमा तोडफोड गरेको प्रहरीले जनाएको छ ।गाडीमा इँट्टा प्रहार भएको हो । गाडीमा इँट्टा प्रहार गरेर भागेको चितवनका एसपी नवराज अधिकारीले बताए ।

गाडी रोकेर भेटघाटमा रहेको बेला तीन वटा मोटरसाइकल चढेर आएका ६ जनाको समूहले सिसा फुटाएर भागेको प्रहरीको भनाइ छ ।

प्राडोमा क्षति पुगेको छ । गाडीबाट ओर्लेर उनी घरदैलो गरिरहेको अवस्थामा आक्रमण भएको बताइएको छ । आक्रमण गर्नेहरूको खोजी भइरहेको एसपी अधिकारीले जानकारी दिए ।