पीएम कप क्रिकेट : नेपाल पुलिस समूह विजेता बन्दै सेमिफाइनलमा

काठमाडौँ , कार्तिक २२। पीएम कप एकदिवसीय पुरुष क्रिकेट प्रतियोगितामा नेपाल पुलिस क्लब समूह विजेता बन्दै सेमिफाइनलमा प्रवेश गरेको छ ।

त्यस्तै कर्णाली प्रदेशलाई पराजित गर्दै विभागीय टोली त्रिभुवन आर्मी क्लब पनि सेमिफाइनलमा प्रवेश गरेको छ ।

टियु क्रिकेट मैदानमा मंगलबार भएको खेलमा मधेश प्रदेशलाई १ सय ९१ रनले हराउँदै पुलिस समूह विजेता बनेको हो ।मधेशले पनि समूह उपविजेताको रुपमा सेमिफाइनलमा स्थान बनाएको छ ।

त्यस्तै मुलपानी क्रिकेट मैदानमा मंगलबार भएको खेलमा कर्णाली प्रदेशलाई १ सय ४० रनले हराउँदै आर्मी अन्तिम चारमा पुगेको हो । यस समूहबाट एपीएफ ७ अंक जोडेर समूह विजेताको रुपमा अन्तिम चारमा प्रवेश गरिसकेको छ ।

आर्मीको जितले गण्डकी भने बाहिरिएको छ । कर्णाली पनि अंक विहीन रहदै पुछारमा रहेर प्रतियोगिताबाट बाहिरिएको छ ।