राष्ट्रपति भण्डारी आज आइसल्यान्ड भ्रमणमा जाँदै

फाइल तस्बिर

काठमाडौं, कार्तिक २१ ।  राष्ट्रपति विद्यादेवी भण्डारी आज आइसल्यान्ड भ्रमणमा जाँदैछिन् ।

१७ जना प्रतिनिधिमण्डलको टोलीसहित आज साँझ ६ बजे राष्ट्रपति भण्डारी आइसल्यान्ड प्रस्थान गर्ने भएकी हुन् ।

महिला राजनीतिज्ञको विश्वव्यापी सञ्जाल ‘वुमन पोलिटिकल लिडर्स’ (डब्लुपीएल) कार्यक्रममा सहभागी हुन राष्ट्रपति भण्डारी त्यसतर्फ प्रस्थान गर्ने भएकी हुन् ।

राष्ट्रपति भण्डारीले ‘वुमन पोलिटिकल ट्रेलब्लेजर अवार्ड’ समेत ग्रहण गर्ने कार्यक्रम रहेको छ ।

सो अवार्ड यही वर्षको सुरुवातमा घोषणा भएको थियो । जसलाई मन्त्रिपरिषदले त्यतिबेलै स्वीकृत गरेको थियो ।

सो कार्यक्रममा पनि राष्ट्रपतिले छोटो मन्तव्य दिने कार्यक्रम रहेको छ । राष्ट्रपति भण्डारी कात्तिक २६ गते स्वदेश फर्कनेछिन् ।