ललितपुरको धोबिघाटस्थित कवाडी गोदाममा आगलागी, तीनजना घाइते

काठमाडौं, असोज ५ । ललितपुरको धोबिघाटस्थित एक कवाडी गोदाममा आगलागी भएको छ।

धोबिघाट रिङरोडबाहिर रहेको कवाडी कारखानामा बुधबार आगलागी भएको हो।

आगो अझै निन्त्रणमा आएको छैन। ललितपुर प्रहरीको टोली अहिले आगलागी नियन्त्रणको प्रयासमा जुटिरहेको छ ।

आगलागी हुँदा तीन जना घाइते भएका छन् ।  आगलागीबाट घाइतेको मुख र हातमा घाउ लागेको ललितपुर महानगरपालिकाका नगरप्रहरी प्रमुख सिताराम हाछेथुले जानकारी दिए ।

आगलागीको कारणबारे अहिलेसम्म केही थाहा नभएको र नियन्त्रणको प्रयास भइरहेको प्रहरीले जानकारी दिएको छ। दमकलले आगो नियन्त्रण गर्ने प्रयार अघि बढाइएको छ।

आगलागी नियन्त्रण गर्न नगरप्रहरी, नेपाल प्रहरी र महानगरपालिकाको दमकल परिचालन गरिएको छ ।