जबराको बयान : दीपक कार्कीलाई प्रधानन्यायाधीश बनाउन महाभियोग प्रकरण रचियो

काठमाडौं , भदौ १६ । निलम्वित प्रधानन्यायाधीश चोलेन्द्र शमशेर जबराले दीपककुमार कार्कीलाई प्रधानन्यायाधीश बनाउन आफूमाथि महाभियोग प्रकरण रचिएको बयान दिएका छन् ।

सिंहदरबारमा शुरु महाभियोग सिफारिस समितिको बैठकको दोस्रो दिन बयान दिँदै जबराले सबै न्यायाधीशहरु आफ्नो विरुद्धमा छन् भन्ने आरोप सयमा सय प्रतिशत गलत भएको दाबी गरे ।

उनले एक(दुई महिना भए पनि दीपक कुमार कार्कीलाई प्रधानन्यायाधीश बनाइदिनुस् भन्ने आग्रह गर्नेहरुलाई हुन्न भनेकाले आफूमाथि यस्तो प्रकरण रचिएको आरोप लगाए ।