खुल्ला टेबुल टेनिस प्रतियोगिता असोज ४ देखि,  यस्तो छ विधा र पुरस्कारको राशि

काठमाडौं, भदौ ६ ।  अन्तराष्ट्रिय स्तरको खुल्ला टेबुल टेनिस प्रतियोगिता असोज ४ गतेदेखि सुरु हुने भएको छ। काठमाडौं खेल मण्डल (केकेएम) र न्युरोड टिम (एनआरटी)ले असोज ८ गतेसम्म लैनचोरस्थित राष्ट्रिय टेबुल टेनिस प्रशिक्षण केन्द्रमा प्रतियोगिता सञ्चालन गर्ने जानकारी दिएको हो।

सोमबार एनआरटीको भवनमा आयोजीत पत्रकार सम्मेलनमा खेलकुदको विकासका साथै सहभागी देशबीचको सम्बन्ध सुदृढ बनाउने साथ अखिल नेपाल टेबुल टेनिस संघ तथा नेपाल भेट्रान्स टेबुल टेनिस संघको तत्वावधानमा प्रतियोगिता सञ्चालन गर्न लागिएको हो।

वि.सं १९९१ सालमा स्थापना भएको काठमाडौं खेल मण्डल (केकेएम) देशकै जेठो क्लबमध्येको एक हो। केकेएम र एनआरटीले स्थापना कालदेखिनै नेपाली खेलकुदको विकासमा योगदान गर्दै आएका छन्। प्रतियोगितामा २ लाख ७० हजार नगद पुरस्कारको व्यवस्था छ।

अन्तराष्ट्रिय टेबुल टेनिस फेडेरेसन तथा अखिल नेपाल टेबल टेनिस संघको नियमनमा खेलाइने प्रतियोगितामा छिमेकी सार्क मुलुकका खेलाडीले सहभागिताका जनाउने छन्। सम्पूर्ण एकल खेल लिग कम नकआउटको आधारमा हुनेछन् भने टिम इभेन्ट नकआउटको आधारमा खेलाइने छ। क्वार्टर फाइनलसम्मका खेल बेस्ट अफ फाइभ र त्यसपछिका खेल बेस्ट अफ सेभेनको आधारमा खेलाइने छ। प्रतियोगितामा ११ विधानमा स्पर्धा गराइनेछ।

यस्तो छ विधा र पुरस्कारको राशि

पुरुष एकल : प्रथम पुरस्कार नेरु ५०,०००, दोस्रो पुरस्कार २५,००० र तेस्रो दुई जना पुरस्कार १०,००० प्रत्येकलाई ट्रफी, मेडल र प्रमाणपत्र

नेपाल समय
महिला युगल : प्रथम पुरस्कार नेरु ५०,०००, दोस्रो पुरस्कार २५,००० र तेस्रो दुई जना पुरस्कार १०,००० प्रत्येकलाई ट्रफी, मेडल र प्रमाणपत्र

जुनियर पुरुष युगल : यू-१९- प्रथम पुरस्कार १०,००० , दोस्रो पुरस्कार ५००० तेस्रो दुई जना पुरस्कार २,५००० प्रत्येकलाई ट्रफी, मेडल र प्रमाणपत्र

क्याडेड बोइज सिंगल यू-१५- प्रथम पुरस्कार १०,००० , दोस्रो पुरस्कार ५००० तेस्रो दुई जना पुरस्कार २,५००० प्रत्येकलाई ट्रफी, मेडल र प्रमाणपत्र

क्याडेड गर्लस सिंगल यू-१५- प्रथम पुरस्कार १०,००० , दोस्रो पुरस्कार ५००० तेस्रो दुई जना पुरस्कार २,५००० प्रत्येकलाई ट्रफी, मेडल र प्रमाणपत्र

मेन्स भेट्रान सिंगल- (६० वर्षदेखि माथि) पुरस्कार- ट्रफी, मेडल र प्रमाणपत्र

मेन्स भेट्रान सिंगल- (५० वर्षदेखि माथि) पुरस्कार- ट्रफी, मेडल र प्रमाणपत्र

मेन्स भेट्रान सिंगल- (४० वर्षदेखि माथि) : पुरस्कार- ट्रफी, मेडल र प्रमाणपत्र

वुमन्स भेट्रान सिंगल (४० वर्षदेखि माथि) : पुरस्कार- ट्रफी, मेडल र प्रमाणपत्र

मेन्स भेट्रान टिम- (४० वर्षदेखि माथि) : पुरस्कार- ट्रफी, मेडल र प्रमाणपत्र

प्रकाशित: August 22, 2022 | 16:43:19 काठमाडौं, सोमबार, भदौ ६, २०७९