छाता ओढेरै एमालेले गर्यो काठमाडौंमा महँगी र भ्रष्टाचारविरुद्ध विरोध प्रदर्शन (फोटो फिचर )

काठमाडौं, साउन १६ । प्रमुख प्रतिपक्ष दल नेकपा एमालेले काठमाडौंमा महँगी र भ्रष्टाचारविरुद्ध विरोध प्रदर्शन गरेको छ ।

गठबन्धन सरकार गठन भएको एक वर्षमा खाद्यवस्तुको चर्को मूल्यवृद्धिका साथै हरेक क्षेत्रमा महँगीका कारण नागरिकको जीवन कष्टकर बनिरहेको विषयलाई लिएर आज सोमवार एमालेले विरोध प्रदर्शन गरेको हो ।

जनप्रदर्शनमा पार्टीका काठमाण्डौ उपत्यकाका तीन जिल्ला (काठमाण्डौ, ललितपुर, भक्तपुर) उपत्यका विशेष प्रदेश, सम्पर्क कमिटी, जनवर्गीय सङ्गठन, सांसद, पार्टीको केन्द्रीय विभागको सहभागिता रहेको थियो ।

प्रदर्शनमा सहभागीहरूले विभिन्न ब्यानर, ग्यास सिलिन्डर बोकेर विरोध जनाएका छन् । प्रदर्शनकारीहरूले परमादेशी सरकार चाहिँदैन, भ्रष्टाचार गर्न पाइँदैन, भ्रष्टाचार नियन्त्रण गर्, भ्रष्टाचारीलाई कारबाही गर् लगायतका नारा लगाएका थिए ।

विरोधका क्रममा वर्षा भएपनि त्यसलाई छाताले छेल्दै प्रदर्शनकारीहरू सहभागी भएका थिए। महँगीको मारमा भने जनता परेका छन् । बजारमा हरेका चिज छोइनसक्नु रहेको छ पछिल्लो समय । यसका सरकार र राज्यको ध्यान जान आवश्यक रहेको छ । यसको विरद्ध एउटा एमाले मात्रै नभएर आम जनतानै सडकमा आउन पर्ने हुन्छ ।

हेर्नुहोस् तस्बिरहरु: