काठमाडौंको काभ्रेस्थलीमा एकै परिवारका चार जना मृत भेटिए, घटना रहस्यमय

काठमाडौं, साउन १६ । काठमाडौंको काभ्रेस्थलीमा चार जना मृत फेला परेका छन्। तारकेश्वर नगरपालिकाको काभ्रेस्थलीम आज सोमबार बिहान एकै परिवारका चार जना मृत फेला परेका हुन्।

आफ्नै घरभित्र बाबु, आमा र छोराछोरी मृत भेटिएको प्रहरीले जनाएको छ। महानगरीय प्रहरी महाशाखाको टोली घटनास्थल पुगेको छ।

मृत भेटिएकहरुमा ४१ वर्षीय दिनेश पाण्डे, उनकी श्रीमती ३९ वर्षीया सुनिता पाण्डे, १३ वर्षीया छोरी आशिका पाण्डे र ८ वर्षीय आशिक पाण्डे छन्।

उनीहरुको शव विभत्स अवस्थामा भेटिएकाले प्रहरीले हत्याको अनुमान गरेको छ। गोरखाको भीमसेन गाउँपालिका–६ स्थायी घर भएको पाण्डे परिवारको शव घरको ढोका भित्रबाट बन्द गरिएको अवस्थामा भेटिएको प्रहरीले बताएको छ। प्रहरीले नै ढोका फोडेर शव भेटाएको हो।