स्वर्गद्वारीबाट फर्कँदै गरेको जिप दुर्घटना : एकजनाको मृत्यु, १४ घाइते

काठमाडौं, साउन १४ । प्युठानमा जिप दुर्घटना हुँदा एक जनाको मृत्यु भएको छ भने १४ जना घाइते भएका छन्।

जिल्लाको स्वर्गद्वारी नगरपालिका– ४ भ्यागुतेमा भएको दुर्घटनामा रुपन्देहीको मायादेवी गाउँपालिका ‍( ३ कि ३२ वर्षकी गुडिया ठाकुरको मृत्यु भएको जिल्ला प्रहरी कार्यालय प्युठानका सुचना अधिकारी लालबहादुर विश्वकर्माले जानकारी दिए।

रुपन्देहीको सिद्धार्थ नगरपालिका र मायादेवी गाउँपालिकाका स्थानीय वासिन्दा जिप रिजर्ब गरेर स्वर्गद्वारी गएका थिए।

स्वर्गद्वारीबाट फर्कँदै गरेको लु ३ च ३५३ नम्वरको जिप दुर्घटनामा परेको हो।दुर्घटना घाइते भएका १४ जनामध्ये ९ जनाको अवस्था गम्भीर छ।  उनीहरुलाई उपचारको लागि बुटवल ल्याइएको छ।