भक्तपुरमा रुख ढलेर बस र स्कुटरलाई किच्दा तीनको मृत्यु, दर्जन बढी घाइते

काठमाडौं, साउन ८ । भक्तपुरको सल्लाघारीमा रूख ढलेर गुडिरहेको बस र स्कुटरलाई किच्दा तीन जनाको ज्यान गएको छ । घटनामा परी एक दर्जन बढी घाइते भएको जनाइएको छ ।

रुख ढलेर सडकमा गुडिरहेको यात्रुवाहक बसमा किच्दा गाडीमा रहेका दुई जनाको मृत्यु भएको हो । यस्तै रुखले किच्दा स्कुटरमा बसेका एक जनाको मृत्यु भएको हो । टाफिक प्रहरी कार्यालय सल्लाघारी भक्तपुरका प्रमुख राजु कार्कीले घटनामा परेर तीन जनाको मृत्यु र एक दर्जन भन्दा बढी घाइते भएको जानकारी दिएका छन् । उनका अनुसार मृतक र घाइतेहरुको नाम आउन बाँंकी नै छ ।

कामाडौंबाट भक्तपुर आइरहेको बा २ ख ३५८४ नम्वरको मिनीबस र बा ६१ प ३९७८ को स्कुटरलाई ढलेको रुखले किचेको उनले बताएका छन् । उनका अनुसार गाडीमा सवै गरेर दुई दर्जनको संख्यामा यात्रुहरु थिए ।

पछाडिको भागमा किचिएकाले गाडीका चालक र सहचालक भने सकुशल रहेको उनले जनाएका छन् । घटनाबारे विस्तृत विवरण आउन बाँंकी नै छ । घटना दिउँंसो १२ बजेतिर भएको बताइएको छ ।