प्रधानमन्त्री देउवाद्वारा जापानका पूर्वप्रधानमन्त्री आवेको निधनप्रति दु:ख व्यक्त

काठमाडौं, असार २४ ।  प्रधानमन्त्री शेरबहादुर देउवा ले  जापानका पूर्वप्रधानमन्त्री सिन्जो आवेको निधनप्रति दुःख व्यक्त गरेका छन्।

सामाजिक सञ्जाल ट्वीटरमा एक स्टाटस लेख्दै प्रधानमन्त्री देउवाले आवेको निधनमा दुःख व्यक्त गरेका हुन्।

‘पूर्वप्रधानमन्त्री सिन्जो आवेको निधनप्रति दुःख व्यक्त गर्दछु। उनी विश्वका कुसल नेतामात्र नरहेर नेपालका एक असल मित्र थिए।’ प्रधानमन्त्री देउवाले लेखेका छन्, ‘यस दुखद् घडिमा जापानी जनता र आवेको परिवारप्रति सहानुभूति प्रकट गर्दछु।’

आवेमाथि शुक्रबार एक चुनावी र्‍यालीको क्रममा गोली प्रहार भएको थियो। तत्काल अस्पताल पुर्‍याइएका आवेलाई केहि बेरमै मृत घोषित गरिएको थियो।