तोकिएको समयमै प्रतिनिधिसभा र प्रदेशसभा निर्वाचन हुन्छ : प्रधानमन्त्री देउवा

nlntk’/, #) ebf}M gd”gf dlR5G› dfljsf] ejg pb3f6g ;df/f]x k|wfgdGqL z]/axfb’/ b]pjf a’waf/ nlntk’/df e”sDkn] Iflt k’¥ofPsf] gd”gf dlR5G› dfWolds ljBfno ejg pb3f6g ;df/f]xnfO{ ;Daf]wg ub}{ . tl:a/M /f]zg ;fksf]6f÷/f;;

काठमाडौं, असार १६् । प्रधानमन्त्री शेरबहादुर देउवाले प्रतिनिधिसभा र प्रदेशसभाको निर्वाचन तोकिएकै समयमा गर्न सरकार प्रतिबद्ध रहेको बताएका छन्।

६४औं संसद् दिवस अवसरमा संघीय संसद् भवन नयाँ बानेश्वरमा बिहीबार आयोजित कार्यक्रममा प्रधानमन्त्री देउवाले यस्तो बताएका हुन्।

प्रधानमन्त्री देउवाले स्थानीय तहको निर्वाचन स्वच्छ, निष्पक्ष र भयरहित रूपमा सम्पन्न भएको उल्लेख गर्दै आउँदो प्रतिनिधिसभा र प्रदेशसभा निर्वाचन पनि सम्पन्न गराउन सरकार दृढ रहेको प्रतिबद्धता जनाए।

संघीय लोकतान्त्रिक गणतन्त्रलाई बलियो बनाउन आवधिक निर्वाचनले सहयोग पुग्ने बताउँदै प्रधानमन्त्री देउवाले मुलुकलाई विकसित र समुन्नत राष्ट्रको रूपमा अघि बढाउन सबैले मिलेर काम गर्नुपर्ने धारणा राखे।

‘अहिले हामी संघीय लोकतान्त्रिक गणतन्त्रात्मक शासन व्यवस्थाको माध्यमद्वारा मुलुकमा दिगो शान्ति, सुशासन कायम गर्दै विकासको गतिमा अघि बढिरहेका छौं। सबै मिलेर नेपाललाई विकसित र समुन्नत राष्ट्रको रूपमा स्थापित गर्नु हामी सबैको दायित्व हो’, प्रधानमन्त्री देउवाले भने, ‘मुलुकमा लोकतान्त्रिक संसदीय शासन प्रणालीलाई मजबुत बनाउन आवधिक निर्वाचनले सघाउ पुग्ने विश्वास लिएको छु।’

प्रधानमन्त्री देउवाले मुलुक दिगो शान्ति र विकासको गतिमा अघि बढिरहेको उल्लेख गर्दै त्यसलाई सार्थक बनाउन पूर्वसांसदहरूको अनुभव उपयोगी हुने विश्वास व्यक्त गरे।