एकदिवसीय मान्यता पाएको नेपाली क्रिकेट टोली स्वदेश फिर्ता, विमानस्थलमा भब्य स्वागत

काठमाडौं । आइसीसी विश्वकप छनोट खेल्न जिम्बावे गएको नेपाली क्रिकेट टोली स्वदेश फर्केको छ ।
क्रिकेट इतिहासमै सबैभन्दा ठूलो उपलब्धि हात पारेको नेपाली क्रिकेट टोलीलाई विमानस्थलमा भब्य स्वागत गरिएको छ ।
नेपालले समूह चरणको खेलमा हङकङलाई र प्लेअपको खेलमा पपुवा नयूगिनीलाई हराउँदै आगामी चार वर्षका लागि एकदिवसीय मान्यता पाएको छ । एकदिवसीय मान्यता पाएर स्वदेश फर्केको नेपाली क्रिकेट टोलिलाई विमानस्थलमा समर्थकले भव्य स्वागत गरेका छन् ।
नेपाली क्रिकेट टोलीलाई खेलकुदमन्त्री जगतबहादुर विश्वकर्मासहित नेपाली क्रिकेटप्रेमीहरुको ठूलो समूहले स्वागत गरेको थियो ।
१० देशको सहभागिता रहेको विश्वकप छनौट प्रतियोगितामा दुई खेल जितेको नेपाल आठौँ स्थानमा रह्यो ।