आईसीसी क्रिकेट विश्वकपमा आज नेपाल र ओमान भिड्दै

काठमाडौं , जेठ २६ । आईसीसी क्रिकेट विश्वकप लिग टु अन्तर्गतको खेलमा आज नेपाल र ओमान भिड्ने  भएका छन् ।

खेल नेपाली समय अनुसार बेलुकी सवा ९ बजे सुरु हुनेछ ।
यो खेल अमेरिकाको टेक्सस राज्यस्थित ह्युस्टनको पियरल्याण्ड शहरमा हुनेछ । एक दिवसिय ढाँचाको यो खेल जित्दै त्रिकोणात्मक श्रृंखलामा सुखद सुरुवात गर्ने नेपालको लक्ष्य रहेको छ ।

लिग टु अन्तर्गत अघिल्लो वर्ष सेप्टेम्बरमा नेपालले ओमनलाई ओमनको मैदानमा ७ विकेटले हराएको थियो । त्यसअघिको तीन भेटमा भने ओमान लगातार विजयी भएको थियो ।

जारी श्रृंखलामा नेपाल र ओमनसँगै अमेरिका पनि रहेको छ । श्रृंखलाको पहिलो खेलमा बुधबार अमेरिकाले ओमानलाई १ सय १४ रनको फराकिलो अन्तरमा हराएको छ ।

सात राष्ट्र सम्मिलित लिग टु मा ओमान ३२ खेलमा ४० अंक जोडेर शीर्ष स्थानमा रहेको छ । अमेरिका २१ खेलबाट २० अंक बटुल्दै पाँचौ स्थानमा रहेको छ । १२ खेलमा १२ अंक जोडेको नेपाल तालिकाको छैटौं स्थानमा छ ।

अमेरिकामा जारी यो श्रृंखलामा तीन टोलीले एक आपसमा दुई दुईवटा खेल खेल्नेछन् ।