निर्मला पन्तको अनुसन्धान उच्च प्राथमिकतामा : प्रहरी प्रमुख सिंह

काठमाडौं , जेठ १९ । नवनियुक्त प्रहरी महानिरीक्षक (आईजीपी) धिरजप्रताप सिंहले अहिलेसम्म सुल्झन नसकिरहेको निर्मला पन्तको प्रकरण उच्च प्राथमिकतामा रहेको बताएका छन् ।

बलात्कारपछिको हत्या अनुसन्धानलाई आफुले उच्च प्राथमिकतामा राखेको उनले बताए ।प्रहरी प्रमुखमा नियुक्त भएको एक महिना पुगेको अवसरमा बिहीबार प्रहरी प्रधान कार्यालयमा आयोजित पत्रकार भेटघाटमा उनले यस्तो बताएका हुन् ।

देशमा शान्ति सुरक्षा कायम गर्न जुनसुकै चुनौती मोल्न तयार रहेको पनि स्पष्ट पारे ।आफ्नो नियुक्तिलगतै आइपरेको स्थानीय तहको निर्वाचन सफल गर्न नेपाल प्रहरी सफल भएको पनि उनले जानकारी गराए ।

उक्त पत्रकार भेटघाटमा उच्च ओहदाका प्रहरी अधिकारीहरुको पनि सहभागिता रहेको थियो ।

यता निर्मला पन्तका जस्ता थुर्पै घटना घटे , तर सरकार यसमा सधै चुकी रह्यो । अहिलेसम्म पन्तको हत्यारा पत्ता लगाउन सकिएको छैन् ।यति मात्रै होइन पछिल्लो समय त झन हत्या ,बलात्कार जस्ता जघन्य अपराधका घटना बढि रहेका छन् ।

यसका लागि कडा नियम कानुन बनाउन आम नागरिकले आवज उठाएपनि हत्यारा तथा आरोपीहरुलाई समात्न भने सरकार असफल भएको छ ।