तारा एयर दुर्घटना: मृतकको अन्त्येष्टि, एकै परिवारका सात जना (फोटोफिचर)

काठमाडौं, जेठ १९ ।  तारा एयरको विमान दुर्घटनामा ज्यान गुमाएकाको शव पोष्टमार्टमपछि आफन्तलाई जिम्मा लगाइएको छ । गत आइतबार पोखराबाट जोमसोमका लागि उडेको विमान दुर्घटनामा परेको थियो । दुर्घटनामा तीन चालक दलका सदस्य र १९ यात्रुको निधन भएको थियो ।

सोमबार र मंगलबार दुई दिन लगाएर काठमाडौं ल्याइएको शव पोष्टमार्टमपछि बिहीबार आफन्तलाई बुझाइएको छ । शव बुझेसँगै आफ्नो रीतिरिवाजअनुसार अन्त्येष्टि  पनि गरिएको छ ।

सो दुर्घटनामा धनुषा मिथिला नगरपालिका ११ का एकै परिवारका सात जनाको मृत्यु भएको थियो । राजनकुमार गोले, उनका बुबा इन्द्रबहादुर, आमा राममाया तामाङ, काका पुरुषोत्तम गोले, काकी तुलसादेवी तामाङ, मामा मकरबहादुर तामाङ र माइजु सुकुमाया तामाङको मृत्यु भएको हो ।

उक्त दुर्घटनाले अहिले देश नै शोकमा डुबेको छ । अकालमै ज्यान गुमाउदा कसको पो मन रुदैन होलार ? लाउलाउ खाउ खाउ भन्ने बेला यसरी दुर्घटनामा परेर ज्यान गुमाउन बाध्य ।मृतकका आफन्तको अहिले रुवाबासी नै चलेको छ । यो घटनाले सबैको मन रोएको छ ।