भोट हाल्न बुधबार नै चितवन पुगे प्रचण्ड : कहाँबाट गर्दै छन् मतदान ?
Published On : 12 May, 2022 1:17 pm
काठमाडौं बैशाख २९ । देशभरका ७५३ स्थानीय तहमा शुक्रबार एकैसाथ निर्वाचन हुँदै छ । शीर्ष नेताहरू पनि आ–आफ्नो स्थानीय तहमा पुगेर मतदानमा सहभागी हुन लागेका छन् ।
सत्तासाझेदार दल नेकपा (मओवादी केन्द्र)का अध्यक्ष पुष्पकमल दाहाल ‘प्रचण्ड’ मतदानका लागि चितवन पुगेका छन् ।
बुधबारै चितवन पुगेका प्रचण्ड चितवनको भरतपुर महानगरपालिका–१४ का मतदाता हुन् ।
उनले भरतपुर–१४, शिवनगरस्थित शान्तिपुर प्रहरी विद्यालयस्थित केन्द्रबाट मतदान गर्ने वाईसीएलका केन्द्रीय सदस्य तथा चितवन इन्चार्ज साजन अधिकारीले जानकारी दिए ।
प्रचण्डपुत्री एवं भरतपुर महानगरपालिकाको पदकी मेयर उमेदवार रेनु दाहालले भने भरतपुर–१४, सुन्दरबस्तीस्थित केन्द्रबाट मतदान गर्नेछिन् ।
प्रतिक्रिया दिनुहोस्